خالد رزيق
لي جا المغرب يسال ويسقسي
نعتز ببلادي ونرفع راسي
راه المغرب بلادي
سمعو يا سيادي
فيه بحرين
معمرين العين
بلاد الخير والخمير
آمنة فشعابها غير سير
جبالها شامخين
وعيون صافيين
وشعبها ينادي
ويقول يا بلادي
رايتنا حمرا
بنجما خضرا
يحكمنا ملك زين
عادل وقلبو حنين
ناسها محبوبين
بالكرم مشهورين
لي جالها يرتاح
زوار وسياح
شباب بلادي فايقين
بالثقافة والعلم معروفين
لباس بلادي فتان
ومشهور فكل مكان
جلابة وجبادور وقفطان
مطروزين بمهارة وإتقان
مطعم بلادي شهوة
فيه المالحة و لحلوة
دجاج وحوت وبسطيلة
والمحنشة وسلو والهبيلة
منظر بلادي جميل
يسحر نهار وليل
سدود وديان عامرين
والشجر فالغابات مصافين
ولو يكيدو العديان
بلادي فخر الأوطان
ناسها ابطال وشجعان
ويدافعو على حق الانسان
ربي يعلي رايتنا
ويجمع شملنا ويحفظنا
وينصر ملكنا
ويمتعو بالصحة والهنا
ويحفظ كل إنسان
عرب أمازيغ و عجمان
ويهدي الفاسدين
ويهلك الطاغيين
